نكت عن بلديتنا قاعد بيلاعب الحمار ضمنه
- مرة واحد صاحب سوبر ماركت اكتشف ان فى فار بياكل كل يوم الجبنة فمسك الفار وكسرله سنانه الفار بصله وهو زعلان اوى وقاله مث مثكله هثرب عثير
- مره اتنين صعايده بيلعبوا شطرنج فواحد غلب التاني وقله موتلك حصانك قام صاحبه قله طب ثانيه واحده مشوار وراجع فراح مشوار ورجع قله وانا بقي سممتلك بهايمك
- مرة دبانة وقعت في كاس وسكي طلعت تقول اوعي النسر
- مدرس الرسم طلب من الطلبة ان كل واحد يرسم حاجة. فراح علي طالب لقي ورقته بيضة. سأله رسمت ايه. قاله: بقرة بتاكل برسيم. المدرس: طب فين البرسيم. الطالب: البقرة كلته. المدرس: طب البقرة بقي فين؟ . الطالب: كلت ومشيت
- نكت محششين
- مرة واحد بيكدب على محشش بيقوله بابا عنده عمارة 500 دور فقاله المحشش ابويا عنده ناقه ارتفاعها 500 متر فقاله الراجل وازاى بيركبها قاله المحشش من سطح عماره ابوك
- محشش ماشى فى الطريق فعدت من جنبة عربية البوليس وقفوه وقالوله اطلع قالهم لا شكرا البيت قريب من هنا
- محشش اتخانق مع ابوه وابوه طرده من البيت فراح المقابر وحط صوره ابوه وكتب عليها coming soon
- اثنين محشيين راكبين عربية خبطوا واحد بالعربية فالسواق قال للى جنبة انزل شوفه ليكون مات فنزل وقاله تعال يمين شويه شمال شويه قدام شويه بس كدا هو مات خلاص
- محشش راح عزاء قال لولاد الميت هو مافيش امل يرجع تانى!
- محشش بيقول لمحشش قولى مين صاحبك اقولك مين انت وسكت شويه وقاله مين صاحبك فقاله التانى مين انت
- مرة واحد مصري دخل سوبر ماركت في الكويت عشان يشتري ولاعة راح عشان يحاسب بيقوله الولاعة ديه بكاام قاله دينار قاله منا عارف ان هي نار بس بكام
- بلديتنا قاعد بيلاعب الحمار ضمنه. فشافه إبن عمه فقاله: إنت بتلاعب الحمار ضمنه. فرد عليه: إتنيل ده غلبني عشرتين
- دكتور فاتح عياده وكاتب “المريض يتعالج ويدفع 100 جنيه وإذا لم يتعافى ندفعله 200 جنيه” جه واحد حب ينصب عليه راح دفع 100 جنيه وقال للدكتور: أنا مبحسش بطعم الأكل؟ الدكتور قال للممرضة: هاتي العلبة رقم 22 جابتهاله راح مديله معلقة منها النصاب تفها وقاله إيه ده؟ ده فلفل وعنيه احمرت وحالته اتبهدلت o_O الدكتور قاله: مبروك حاسة التذوق عندك بقت 100%، إتقهر النصاب ومشي D: رجع النصاب بعد اسبوع وقاله: أنا بفقد الذاكره كل خمس دقايق يا دكتور؟ الدكتور قال للممرضة: هاتي العلبه رقم 22 النصاب قاله: لألألألألأ بلاش الفلفل أبوس إيدك! الدكتور قاله: ألف مبروك الذاكرة رجعتلك
تعليقات
إرسال تعليق